Simhachalam Accident : సింహాచలం ప్రమాదం.. అధికారులదే తప్పా? ఇంకెవరినీ బాధ్యులు చేయరా?

సింహాచలంలో జరిగిన ప్రమాదం పూర్తిగా అధికారులపైకి నెట్టి వేస్తున్నారు. నలుగురు మంత్రులను మాత్రం బాధ్యులను చేయడం లేదన్న విమర్శలు వినిపిస్తున్నాయి. సింహాచలంలో చందనోత్సవం జరుగుతుందని తెలుసు. అధికారులతో మంత్రులు నలుగురు కలసి అనేక సార్లు రివ్యూ చేశారు. ఆలయాన్ని పరిశీలించారు. అనేక సూచనలు కూడా చేశారు. చందనోత్సవానికి లక్షల సంఖ్యలో భక్తులు వస్తారని తెలిసి కూడా నిర్లక్ష్యంగా అధికారులు ఎంత వ్యవహరించారో మంత్రులు కూడా అదే నిర్లక్ష్యాన్ని ప్రదర్శించారని చెప్పాలి. ఎందుకంటే ఏడుగురు ప్రాణాలు గోడ కింద పడి నలిగి పోవడానికి కారణంపై లోతుగా అధ్యయనం చేయాలి. విజయవంతమయితే తమదే అని భుజాలు చరచుకునే మంత్రులు, అదే ఇలాంటి ఘటన జరిగితే మాత్రం తప్పంతా అధికారులపై నెట్టివేయడం ఫ్యాషన్ గా మారింది.