Ys Sharmila : మోదీ సభపై వైఎస్ షర్మిల ఇలా అన్నారేంటి?

ప్రధాని నరేంద్ర మోదీ సభపై కాంగ్రెస్ ఏపీ చీఫ్ వైఎస్ షర్మిల సెటైర్లు వేశారు. మోడీ తీరు చూస్తే చిచ్చుబుడ్డి తుస్సుమంది అనక తప్పదని తెలిపారు. ఆంధ్రప్రదేశ్ పునర్విభన చట్టం 94(3) సెక్షన్ ప్రకారం నవ్యాంధ్ర నూతన రాజధాని నిర్మాణ బాధ్యత పూర్తిగా కేంద్రానిదేనని షర్మిల అన్నారు. నూతన రాజధానిలో మౌలిక సదుపాయాలు కల్పన కేంద్రం కల్పించి ఇవ్వాల్సిందేనని అన్నారు. విభజన చట్టంలో కేంద్రం విధులేంటో ఇంత స్పష్టంగా పేర్కొంటే.. ప్రధాని మోదీ మనకు ఇస్తున్నది ఏమిటి ? ఆనాడు 2015లో మట్టి కొట్టారు. నేడు సున్నం కొట్టి వెళ్ళారంటూ మండిపడ్డారు. పదేళ్ల ఏళ్ల క్రితం ఏం చెప్పి ఆంధ్రులకు తీరని ద్రోహం చేశారో..నేడు అవే అబద్ధాలను అందంగా చెప్పి ఘరానా మోసం చేశారన్నారు.