Gold Rates Today : లక్షకు దిగిరానంటున్న బంగారం ధరలు.. నేటి ధరలు ఎలా ఉన్నాయంటే?

ఇప్పటికే పది గ్రాముల బంగారం ధర లక్ష రూపాయలకు పైగానే ఉంది. శ్రావణ మాసం ప్రారంభం కావడంతో ఇక మంచి ముహూర్తాలు ఉండటం, వివాహాలతో పాటు శుభకార్యాలు జరగనుండటంతో బంగారానికి మరింత డిమాండ్ పెరుగుతుందన్న అంచనాలు వినిపిస్తున్నాయి. భారతీయ సంస్కృతిలో శుభకార్యాల సమయంలో బంగారం, వెండి వస్తువులను ఎక్కువగా కొనుగోలు చేయడం సంప్రదాయంగా వస్తుంది. అంతర్జాతీయ మార్కెట్ ధరల్లో ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాద్యం వంటి కారణాలతో ప్రతి రోజూ ఈ ఏడాది ప్రారంభం నుంచి బంగారం, వెండి ధరలు పెరుగుతూనే ఉండటం ఆందోళన కలిగిస్తుంది.

బంగారం అంటే ఇప్పుడు మధ్యతరగతి ప్రజలు కూడా కొనుగోలు చేయలేని పరిస్థితి. సాఫ్ట్ వేర్ ఇంజినీర్లు కూడా బంగారం కొనుగోలుకు వెనుకంజ వేస్తున్నారు. దీంతో అమ్మకాలు గణనీయంగా తగ్గిపోయాయి. ఈరోజు దేశంలో బంగారం ధరలు స్వల్పంగా తగ్గాయి. వెండి ధరల్లో కూడా స్వల్ప తగ్గుదల కనిపించింది. పది గ్రాముల బంగారం ధర పై పది రూపాయలు తగ్గింది. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన మేరకు బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 92,090 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,00,470 రూపాయలుగా ఉంది. కిలో వెండి ధర 1,27,900 రూపాయలుగా ట్రేడ్ అవుతుంది.