Gold Price Today : మళ్లీ షాకిచ్చిన బంగారం ధరలు.. ఈరోజు ఎంత పెరిగాయంటే?

బంగారం ధరలు లక్ష రూపాయలకు మళ్లీ చేరువవుతున్నాయి. గతంలో రెండుసార్లు లక్ష రూపాయలకు పైగానే టచ్ చేసిన బంగారం ధరలు మళ్లీ కొంత తగ్గి ఊరిస్తున్నట్లు అనిపించినప్పటికీ మళ్లీ పెరుగుదల చూస్తే ఈ ఏడాదిలో ముచ్చటగా మూడోసారి లక్ష రూపాయలకు చేరుకుంటుందన్న అభిప్రాయం మార్కెట్ వర్గాలలో వ్యక్తమవుతుంది. లక్ష రూపాయలకు చేరుకుంటే ఖచ్చితంగా అది కొనుగోళ్లపై ప్రభావం పడుతుంది. అంతర్జాతీయంగా మార్కెట్ లో నెలకొన్న ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం వంటి కారణాలున్నాయి. ఈ ఏడాది కొన్ని దేశాల మధ్య నెలకొన్న యుద్ధాలు కూడా బంగారం ధరల పెరుగుదలకు ఊతమిచ్చాయి.

బంగారం కొనుగోలు చేయాలంటే సామాన్యులకు సాధ్యం అయ్యే పరిస్థితి లేకుండా పోయింది. వెండి ధరలు కూడా బంగారం ధరలతో పోటీ పడి పరుగులు పెడుతున్నాయి. అందుకే ధరలు పెరిగి కొనుగోలుపై ప్రభావం చూపుతున్నప్పటికీ పెద్దగా తగ్గడం లేదు. ఈరోజు దేశంలో బంగారం ధరలు స్వల్పంగా పెరిగాయి. వెండి ధరలు మాత్రం స్వల్పంగా తగ్గాయి. పది గ్రాముల బంగారం ధరలపై పది రూపాయలు పెరిగింది. కిలో వెండి ధరపై వంద రూపాయలు తగ్గింది. మధ్యాహ్నానికి బంగారం, వెండి ధరలు పెరిగవచ్చు. తగ్గవచ్చు. లేక స్థిరంగా కొనసాగవచ్చు. 22 క్యారెట్ల పది గ్రాముల బంగారం ధర 91,110 రూపాయలకు చేరుకుంది. 24 క్యారెట్ల పది గ్రాముల బంగారం దర 99,390 రూపాయలుగా నమోదయింద.ి కిలో వెండి ధర 1, 23, 800 రూపాయలుగా ట్రేడ్ అవుతుంది.