Gold Prices Today : బంగారం ముట్టుకుంటే షాక్... వెండి అంటుకుంటే అంతే

ఇప్పటికే దేశంలో జ్యుయలరీ దుకాణాలు వినియోగదారులు లేక వెలవెల బోతున్నాయి. కేవలం విండో షాపింగ్ కు వచ్చే వారు తప్పించి కొనుగోలు చేసే వారు కనిపించడం లేదు. 2024లో బంగారం, వెండి ధరల అమ్మకాలు జోరుగా సాగేవి. అందులో కనీసం పది శాతం కూడా ఇప్పుడు లేవని దుకాణాల యజమానులు వాపోతున్నారు. అనేక కారణాలతో ధరలు పెరుగుతున్నప్పటికీ ప్రజలకు కొనుగోలు చేసే శక్తి లేనప్పుడు ధరలు ఎంత పెరిగినా తమ దుకాణాలకు వచ్చే అవకాశం లేదని చెబుతున్నారు. అప్పటికీ అనేక ఆఫర్లు ప్రకటిస్తున్నప్పటికీ.. ఆఫర్లు పసిడి ప్రియులను ఆకట్టుకోవడం లేదు. అందుకే బంగారానికి దూరంగా అనేక వర్గాలు ఉండిపోతున్నాయి.

ఇక పెట్టుబడి పెట్టేవారు కూడా బంగారం, వెండిపై మదుపు చేసేందుకు ఒకింత భయపడుతున్నారు. పెళ్లిళ్ల సీజన్ లోనూ అమ్మకాలు తగ్గడంపై జ్యుయలరీ దుకాణాల యజమానులు ఆందోళన చెందుతున్నారు. ఈరోజు కూడా దేశంలో బంగారం ధరలు పెరిగాయి. వెండి ధరలు భారీగా పెరిగాయి. పది గ్రాముల బంగారం ధరపై పన్నెండు వేలు పెరిగింది. కిలో వెండి ధరపై ముప్ఫయి వేలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,63,960 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,78,886 రూపాయలుగా కొనసాగుతుంది. కిలో వెండి ధర 4.25,100 రూపాయలుగా నమోదయింది. మధ్యాహ్నానికి ధరలు మరింత పెరిగే అవకాశముంది.