బిక్షగాళ్లు కాదు.. గిరిజనులే కుబేరులు

నెల్లూరులోని యాక్సిస్ బ్యాంక్ కేంద్రంగా 10.60 కోట్ల మేర జరిగిన కుంభకోణం అందరినీ ఆశ్చర్యంలో ముంచెత్తింది. గిరిజనులకు సాఫ్ట్ వేర్ మేకప్ వేసి, బ్యాంకు సిబ్బంది జాయింట్ ఆపరేషన్ తో రుణాలను తీసుకున్నారు. అమాయక గిరిజనులను సాఫ్ట్ వేర్ ఉద్యోగులుగా ఫోటోలు మార్ఫింగ్ చేసి... సుమారు 56 మంది పేరిట రుణాలను తీసుకన్నారు. వీరి పేరిట కొన్ని ఫేక్ కంపెనీలను కూడా మాయగాళ్లు ఏర్పాటు చేశారు. ఆ కంపెనీల్లో గిరిజనులను అందులో ఎంప్లాయిస్ గా రికార్డ్స్ క్రియేట్ చేసి వారి పేరుపై రుణాలను తీసుకున్నారు.

ఫేక్ కంపెనీలో నుంచి ఆరు నెలల పాటు గిరిజనులకు జీతాలు ఇస్తున్నట్లు స్టేట్ట్ మెంట్లు కూడా తయారు చేశారు. దీంతో యాక్సిస్ బ్యాంక్ లో లోన్లు తీసుకోవడానికి కేటుగాళ్లకు సులువుగా మారింది. 2022 -2024 మధ్య జరిగిన ఈ కుంభకోణం జరిగినట్లు బ్యాంకు అధికారులు గుర్తించారు. అయితే రుణాలు చెల్లించాలంటూ గిరిజనులకు నోటీసులు రావడంతో ఈ స్కామ్ ఆలస్యంగా వెలుగులోకి వచ్చింది. బ్యాంకు నోటీసులపై ఆశ్చర్యపోయిన గిరిజనులు తమ నాయకుడు వద్ద గోడు వెళ్లబోసుకున్నారు. స్కామ్ కు పాల్పడింది వాసుదేవ నాయుడు, అల్లాభక్షు, శివ, వెంకట్ అని గుర్తించారు. వీరితో పాటు మరో ఆరుగురు మీద ముత్తుకూరు పీఎస్ లో కేసు నమోదు చేసి దర్యాప్తు చేస్తున్నారు. ముత్తుకూరు పోలీస్ స్టేషన్ లో బ్రాంచ్ మేనేజర్ మదన్ మోహన్ ఫిర్యాదు చేయడంతో కేసు నమోదు చేసుకుని పోలీసులు దర్యాప్తు చేస్తున్నారు.