Samantha : సమంత ఓపెన్ అయిపోయారుగా.. నావెంటే తను ఉన్నాడంటూ?

దీంతో పాటు పలు ఆసక్తికరమైన విషయాలను ఆమె పంచుకున్నారు. తొలిసారి బహిరంగంగా ఆమె చేసిన వ్యాఖ్యలు ఇప్పుడు సోషల్ మీడియాలో వైరల్ గా మారాయి. తనకు ఆరోగ్యం బాగా లేనప్పుడు రాహుల్ తన వెంటే ఉన్నాడని, ఉదయం నుంచి సాయంత్రం వరకూ తనతోనే ఉంటూ తనను జాగ్రత్తగా చూసుకున్నాడని అన్నారు. తమ అనుబంధానికి పేరు ప్రత్యేకంగా పెట్టలేమని, తన స్నేహితుడు, సోదరుడు, కుటుంబ సభ్యుడు, రక్తసంబంధీకుడన్నది తాను చెప్పలేనని సమంత అన్నారు.

సమంత ఇటీవల అనారోగ్యానికి గురయినప్పుడు రాహుల్ రవీంద్రన్ తానే దగ్గరుండి జాగ్రత్తగా చూసుకున్నాడని మాత్రం చెప్పిన సమంత వారి అనుబంధానికి మాత్రం కరెక్ట్ నిర్వచనం మాత్రం చెప్పలేదు. అయినా తాను రాహుల్ రవీంద్రన్ వల్లనే బతికి బయటపడ్డానంటూ చెప్పుకొచ్చారు. తనకు లక్ తో పాటు అభిమానులు ఉండటం ఒక రకంగా అదృష్టమేనని, దీనిని తాను దేవుడిచ్చిన వరంగానే భావిస్తానని సమంత అన్నారు. కెరీర్ పరంగా ఎవరైనా ముందుగా ఊహించుకుంటే అంతకంటే పెద్ద పొరపాటు మరొకటి ఉండదని సమంత అన్నారు. తెలిసి, తెలియక తీసుకున్న కొన్ని నిర్ణయాలు కెరీర్ పై కూడా ప్రభావం చూపుతాయని తెలిపారు.