టాలీవుడ్ సెలబ్రిటీలు నలుగురికి ఈడీ నోటీసులు

సినీనటులు విజయ్ దేవరకొండ, దగ్గుబాటి రానా, మంచులక్ష్మి, ప్రకాశ్ రాజా, నిధి అగర్వాల్, అనన్య నాగళ్ల, శ్రీముఖి తదితర నటులపై సైబరాబాద్ పోలీసుల నమోదు చేసిన కేసు ఆధారంగా ఈడీ అధికారులు విచారణ జరపనున్నారు. సిని సెలబ్రిటీలు, యూట్యూబర్లు, ఇన్ ఫ్యూయెర్స్ బెట్టింగ్ యాప్స్ కు ప్రమోషన్ చేయడాన్ని సీరియస్ గా తీసుకున్న ఈడీ అధికారులువారిని విచారించాలని నిర్ణయించారు. ఇక యాంకర్ శ్యామల, శ్రీముఖి, వర్షిణి, సిరి హనుమంతు, వసంతి కృష్ణన్, శోభాశెట్టి, అమృతా చౌదరి, నయనిపావని, నేహాపఠాన్, పండు, పద్మావతి, ఇమ్రాన్ ఖాన్, విష్ణుప్రియ, హర్షసాయి, భయ్యా సన్నీ యాదవ్, టేస్టీ తేజ, రీతూ చౌదరి, బంగారు సుప్రిత పేర్లు కూడా ఈడీ అధికారులు ఎఫ్ఐఆర్ లో చేర్చారు. ముందుగా దగ్గుబాటి రానాను ఈ నెల 23, ప్రకాశ్ రాజ్ ను ఈ నెల 30, విజయ్ దేవరకొండను ఆగస్టు 6, మంచు లక్ష్మిని ఆగస్టు 13న విచారణకు రావాల్సిందిగా ఈడీ నోటీసుల్లో పేర్కొన్నట్లు సమాచారం.