Viswambhara : హమ్మయ్య విశ్వంభర పూర్తయింది.. ఇక స్క్రీన్ పైకి వచ్చేదెప్పుడని?

అయితే తాజా అప్ డేట్ ప్రకారం విశ్వంభర చిత్రీకరణ పూర్తయిందని చిత్ర వర్గాలు వెల్లడించాయి. హైదరాబాద్ లో రీమిక్స్ సాంగ్ పూర్తయిందని అంటున్నారు. బాలివుడ్ తార మౌనిరాయ్ పై చిరంజీవితో ఈ పాటను హైదరాబాద్ లో చిత్రీకరించారు. ఇది చివరి చిత్రీకరణ అని, ఈ పాట చిత్రీకరణతో సినిమా పూర్తయిందని మేకర్స్ తెలిపారు. ఇక విశ్వంభర చిత్రానికి సంబంధించిన పోస్ట్ ప్రొడక్షన్ పనులు ప్రారంభం కానున్నాయి. వేగంగా ఈ పనులు పూర్తి చేయాలని నిర్మాతలు భావిసత్ున్నారు.

మెగాస్టార్ సరసన త్రిష ఈ మూవీలో కథానాయికగా నటిస్తుండగా మరో నటి ఆషికా రంగనాధ్ కూడా నటించారు. విశ్వంభర చిత్రానికి వశిష్ట దర్శకత్వం వహిస్తున్నారు. ఈ మూవీ ఎప్పుడో విడుదల కావాల్సి ఉంది. గేమ్ ఛేంజర్ కోసం ఒకసారి వాయిదా వేశారు. వీఎఫ్ఎక్స్ పనులను మళ్లీ చేయాలని నిర్ణయించడంతో విడుదల వాయిదా పడిందని అంటున్నారు. యు.వి. క్రియేషన్స్ పై నిర్మిస్తున్న విశ్వంభర చిత్రంపై మంచి అంచనాలున్నాయి. కీరవాణి ఈ చిత్రానికి సంగీతాన్ని అందించారు. త్వరలో విడుదల తేదీని ప్రకటించేందుక సిద్ధమవుతున్నారు. ఇక మెగా ఫ్యాన్స్ కు దసరాకు ముందే పండగ వచ్చినట్లేనని అనుకోవాల్సిందే.