India Vs England : బ్యాటర్లదే పై చేయి.. ఇంగ్లండ్ ను తట్టుకోవడం కష్టమేనా?

ఎందుకంటే భారత బ్యాటర్లు 96 పరుగులకే ఆరు వికెట్లు కోల్పోయి తక్కువ పరుగుల లక్ష్యాన్ని ఇంగ్లండ్ ముందుంచింది. ఎవరూ సెంచరీ చేయకపోయినా ఒకరిద్దరూ అర్థ సెంచరీలు సాధించినప్పటికీ ఎక్కువ మంది ఆటగాళ్లు వికెట్ల మధ్య ఎక్కువ సేపు నిలదొక్కుకోలేక సమర్పించుకున్నారు. దీంతో భారత్ 358 పరుగులకు ఆల్ అవుట్ అయింది. భారత్ బౌలర్లు ఎంత ప్రయత్నించినప్పటికీ రెండు వికెట్ల తర్వాత వికెట్ అందిపుచ్చుకోకపోవడంతో ఇంగ్లండ్ భారీ పరుగులను చేసే అవకాశం ఉంది. ఇంగ్లండ్ బ్యాటర్లు అందరూ అర్థసెంచరీలు దాటి అరవై నుంచి డెబ్భయి పరుగులు చేసి భారత్ విధించిన లక్ష్యాన్ని చాలా సులువుగా జట్టు చేరుకునేలా చేశారు.

ఇంగ్లండ్ బ్యాటర్లలో జో రూట్ 150 పరుగులు చేశాడు. బెన్ స్టోక్ 77 పరుగులతో బ్యాటింగ్ లో ఉన్నాడు. ఓలీ పోప్ 71 పరుగులు చేశాడు. దీంతో ఇంగ్లండ్ తొలి ఇన్నింగ్స్ లో ఏడు వికెట్లు కోల్పోయి 544 పరుగులు చేసింది. అంటే భారత్ కంటే 186 పరుగుల ఆధిక్యంలో ఉంది. ఈ మ్యాచ్ లో భారత్ బౌలర్లు ఘోరంగా విఫలమయ్యారు. బుమ్రా బంతి కూడా తిరగ లేదు. వాషింగ్టన్ సుందర్ లంచ్ బ్రేక్ తర్వాత వేగంగా రెండు వికెట్లు దొరకబుచ్చుకున్నా రూట్ మాత్రం ఆ అవకాశం ఇవ్వకుండా అత్యధిక రన్స్ చేయడంతో భారత్ ముందు భారీ లక్ష్యం ఉంచే అవకాశముంది. అయితే ఈ మ్యాచ్ లో గెలుపు కన్నా, డ్రా వైపు భారత్ మొగ్గు చూపడం మంచిదన్న విశ్లేషణలు వినిపిస్తున్నాయి. బుమ్రా ఒకటి, కాంబోజ్ ఒకటి, సిరాస్ ఒకటి, వాషింగ్టన్ సుందర్ రెండు వికెట్లు తీశారు.