Indiramma Houses : ఇందిరమ్మ ఇళ్లు వారికే.. ప్రభుత్వం నుంచి స్పష్టమైన ఆదేశాలు

అనర్హులుగా గుర్తించిన వారంతా దారిద్ర్యరేఖకు దిగువన ఉన్నవారేనని అధికారుల చెబుతున్నారు. తొలి విడతగా ఇందిరమ్మ ఇళ్లను సొంత జాగా ఉన్న వారికే కేటాయిస్తామని చెప్పారు. నియోజకవర్గానికి 3,500 ఇళ్లను మంజూరు చేసింది. అయితే సొంత స్థలం ఉన్నవారికి తొలి జాబితాలో చోటు కల్పించారు. తర్వాత జాబితాలో స్థలాలను కొనుగోలు చేసి వారికి ఇందిరమ్మ ఇళ్లను మంజూరు చేయనున్నారు. ఈ ఏడాది కేవలం 4.50 లక్షల ఇళ్లు మాత్రమే మంజూరు కానుంది. వీటిని పూర్టి చేస్తే వచ్చే ఆర్థిక సంవత్సరంలో రెండో విడత ఇందిరమ్మ ఇళ్ల లబ్దిదారులను ఎంపిక చేసి వారికి పట్టాలతో పాటు ఇంటికి సంబంధించిన నగదును కూడా చెల్లించనుంది.

లబ్దిదారులను ఎల్ 1, ఎల్ 2, ఎల్ 3 గా విభజించి వారికి ఇళ్లను మంజూరు చేయనున్నారు. ఆదాయపు పన్ను చెల్లించేవారు, కార్లు ఉన్నవారికి, ప్రభుత్వఉద్యోగులకు ఎల్ 3 జాబితాలో చేర్చారు. అయితే ఎల్ 3 జాబితాలో ఉన్న వారికి ఇందిరమ్మ ఇళ్లను మంజూరు చేసే అవకాశం లేకపోవచ్చు. ఎందుకంటే నిబంధనలు అందుకు అంగీకరించవు కాబట్టి ఎల్ 1, ఎల్ 2 వారికి మాత్రమే ఇందిరమ్మ ఇళ్లు మంజూరు చేయాలని ప్రభుత్వం నిర్ణయించినట్లు తెలిసింది. దీంతో వడపోత తర్వాత చాలా దరఖాస్తులు తిరస్కరించినట్లు అధికారికవర్గాలు వెల్లడించాయి. మొత్తం మీద ఇందిరమ్మ ఇళ్లను త్వరితగతంగా పూర్తి చేయాలని ప్రభుత్వం నిర్ణయించి ఈ మేరకు లబ్దిదారుల ఎంపిక ప్రక్రియను వేగవంతం చేసింది. ఒక్కొక్క ఇంటికి ఐదు లక్షల మంజూరు చేస్తామని ప్రభుత్వం చెప్పడంతో ఈ ఇందిరమ్మ ఇళ్లకు డిమాండ్ బాగా పెరిగింది.